Ag taisteal le do pheataí san Eoraip: na rialacha is tábhachtaí
Tá lánchead agat do pheata a thabhairt ar saoire leat san Aontas Eorpach ach baineann rialacha dochta le taisteal peataí. Tuilleadh faisnéise san alt seo.
A bhuí le rialacha comhoiriúnaithe AE maidir le taisteal peataí, tá cead agat do mhadra, do chat nó d’fhiréad a thabhairt ar saoire leat laistigh den Aontas Eorpach, chomh maith leis an Iorua agus Tuaisceart Éireann.
Conas teorainneacha a thrasnú le do pheata
Ar mhaithe le sláinte ainmhithe, más mian leat do pheata a thabhairt leat, caithfear an méid seo a leanas a chinntiú:
- Go bhfuil micrishlis aitheantais ionchlannaithe sa pheata (nó tatú inléite, má rinneadh roimh an 3 Iúil 2011 é).
- Ní mór pas peata a bheith agat don pheata a chruthaíonn go ndearnadh an t-ainmhí a vacsaíniú in aghaidh confaidh agus go bhfuil sé nó sí acmhainneach ar thaisteal.
- I gcás madraí a bheidh ag taisteal go dtí an bhFionlainn, Éirinn, an Iorua, Málta nó Tuaisceart Éireann, caithfear cóireáil in aghaidh péist ribíneach a chur orthu.
Bíonn na rialacha seo i bhfeidhm i gcás turas príobháideach nach bhfuil sé mar aidhm aige úinéireacht an pheata a athrú nó an peata a dhíol.
Ag taisteal le cúig pheata nó níos mó
De ghnáth, bíonn cead agat suas le cúig pheata a thabhairt ar saoire leat. Eisítear pasanna peata Eorpacha do mhadraí, cait agus d'fhiréid amháin. Más mian leat taisteal le peataí eile, déan seic ar .