Ϸվ

ʰċԳپ
Li jmiss
Regoli ta' Proċedura tal-Parlament Ewropew
L-għaxar leġiżlatura-Lulju 2024
EPUB158kPDF922k
KONTENUT
NOTA LILL-QARREJ
KOMPENDJU TAL-ATTI LEGALI EWLENIN RELATATI MARREGOLI TA' PROĊEDURA

TITOLU I:MEMBRI, KORPI TAL-PARLAMENT U GRUPPI POLITIĊI
KAPITOLU 1:MEMBRI TAL-PARLAMENT EWROPEW

Artikolu 11:Regoli ta’ kondotta fir-rigward tal-integrità u t-trasparenza

1.Il-Parlament għandu jistabbilixxi regoli ta’ kondotta fir-rigward tal-integrità u t-trasparenza fil-forma ta’ Kodiċi ta’ Kondotta, adottat mill-maġġoranza tal-Membri tiegħu, u mehmuż ma’ dawn ir-Regoli ta’ Proċedura bħala anness (1).

Dawk ir-regoli m'għandhomx joħolqu preġudizzju jew restrizzjoni bi kwalunkwe mod ieħor għall-Membri fl-eżerċizzju tal-mandat tagħhom jew fi kwalunkwe attività politika jew attività oħra relatata.

2.Il-Bureau għandu jipprovdi l-infrastruttura meħtieġa fuq il-paġna web tal-Membri fuq il-websajt tal-Parlament għal dawk il-Membri li jixtiequ jippubblikaw awditjar jew konferma volontarji, kif previst fir-regoli applikabbli tal-Istatut tal-Membri u r-regoli ta' implimentazzjoni tiegħu, li l-użu minnhom tal-Allowance għall-Ispejjeż Ġenerali jikkonforma mar-regoli applikabbli tal-Istatut tal-Membri u l-miżuri ta' implimentazzjoni tiegħu.

3.Il-kodiċi ta’ kondotta fir-rigward tal-integrità u t-trasparenza għal ex Membri għandu jiġi stabbilit b’deċiżjoni tal-Bureau.

(1) Ara l-Anness I.
Aġġornata l-aħħar: 12 ta' Lulju 2024Avviż legali-Politika tal-privatezza