Il-vjolenza ċibernetika kontra n-nisa: X'inhi u kif nistgħu nwaqqfuha?
Il-fastidju u l-vjolenza ċibernetika huma kwistjonijiet li n-nisa spiss jesperjenzaw online. Il-Parlament Ewropew qed jistudja kif jistgħu jiġu miġġielda dawn il-forom ta' vjolenza.
X’inhi l-vjolenza ċibernetika?
Il-vjolenza tista' tieħu ħafna forom li mhumiex limitati għall-att li tweġġa' lil xi ħadd fiżikament. Il-vjolenza psikoloġika tista’ tkun daqstant ta’ ħsara. Dan jista’ jieħu l-forma ta’, pereżempju, koerċizzjoni, malafama, insulti verbali jew fastidju u jista’ jseħħ offline jew online.
Il-firxa dejjem akbar tal-internet, it-tixrid rapidu tat-teknoloġiji tal-komunikazzjoni mobbli, u l-użu tal-midja soċjali, wasslu għall-emerġenza tal- bħala problema globali li qed tikber.
Il-fastidju ċibernetiku jista' jinkludi li wieħed jirċievi emails, messaġġi jew filmati mhux mixtieqa u/jew offensivi li jkunu sesswalment espliċiti, kif ukoll avvanzi offensivi u/jew mhux xierqa fuq siti tan-networking soċjali.
It-teknoloġiji deepfake li jimpersonaw il-vuċi, il-wiċċ, il-ġisem jew l-azzjoni ta’ persuna, huma ta’ tħassib partikolari. In-nisa huma l-miri primarji tad-deepfakes, b'mod partikolari tan-"nudifikazzjoni", il-ħolqien ta' stampi ta' individwi għarwenin mingħajr il-kunsens tagħhom.
Tali tipi ta’ attakki jista’ jkollhom konsegwenzi severi fit-tul għall-vittmi u jistgħu jġorru spejjeż sinifikanti għas-soċjetajiet peress li jistgħu jiskoraġġixxu lin-nisa milli jkunu aktar attivi fil-ħajja pubblika u politika.
juri li l-biċċa l-kbira tar-residenti tal-UE jirrifjutaw l-idea li l-vjolenza ċibernetika tista’ tiġi ġġustifikata. Madwar tliet kwarti ta’ dawk li wieġbu jgħidu li jekk in-nisa jaqsmu l-opinjoni tagħhom fuq il-midja soċjali, dan ma jfissirx li għandhom jaċċettaw tweġibiet sessisti, qarrieqa u/jew abbużivi.
Stħarriġ mill-2014 għall-Aġenzija tal-UE għad-Drittijiet Fundamentali wera li mill-età ta’ 15-il sena.
Il-vjolenza online kontra n-nisa fil-politika
In-nisa għadhom sottorappreżentati fil-pajjiżi tal-UE fil-livelli kollha tat-teħid tad-deċiżjonijiet politiċi kif ukoll fil-partiti politiċi. L-oriġini ta’ din is-sitwazzjoni hija kumplessa, iżda raġuni waħda hija l-vjolenza offline u online kontra n-nisa attivi fil-politika li tista’ ġġiegħel lin-nisa jaħsbu darbtejn qabel ma jidħlu fid-dinja politika.
Il-politiċi, il-ġurnalisti u d-difensuri tad-drittijiet tal-bniedem nisa fl-UE jiffaċċjaw livelli ogħla ta’ abbuż pubbliku fid-dinja online mill-kontropartijiet irġiel tagħhom. L-attakki u l-abbuż kontra l-politiċi nisa huma rampanti online minħabba li atti bħal dawn iseħħu b’mod anonimu, jilħqu udjenzi kbar u għandhom l-għan li jsikktu l-mira tagħhom.
Leġiżlazzjoni ġdida tal-UE għall-prevenzjoni tal-vjolenza ċibernetika kontra n-nisa
F’April 2024, il-Parlament adotta l-ewwel regoli tal-UE li qatt saru dwar il-ġlieda kontra l-vjolenza fuq in-nisa. Id-direttiva tappella għal liġijiet aktar b'saħħithom kontra l-vjolenza ċibernetika, assistenza aħjar għall-vittmi, kif ukoll passi biex jiġi definit aħjar il-kunsens sesswali.
Ir-regoli l-ġodda jiddeskrivu linji gwida partikolari għal reati mwettqa online, bħall-iżvelar ta’ informazzjoni privata u t-trażmissjoni ta’ ritratti oxxeni lin-nies. Il-pajjiżi tal-UE se jkollhom jadattaw il-leġiżlazzjoni nazzjonali tagħhom għar-rekwiżiti sa mhux aktar tard minn Ġunju 2027.
Skont id-direttiva, il-vjolenza kontra r-rappreżentanti pubbliċi, il-ġurnalisti u d-difensuri tad-drittijiet tal-bniedem se jkunu fattur aggravanti f'reat.
Il-leġiżlazzjoni tal-UE dwar il-protezzjoni tal-privatezza għandha wkoll l-għan li tnaqqas il-vjolenza ċibernetika. Pereżempju, l-Att il-ġdid dwar is-Servizzi Diġitali jimponi obbligu fuq pjattaformi diġitali kbar fl-UE biex ineħħu kontenut illegali mis-siti web tagħhom. Dan għandu jgħin biex jitneħħew immaġnijiet intimi jew manipulati li jinxterdu fuq l-internet mingħajr il-kunsens tal-persuna.
L-Att dwar l-Intelliġenza Artifiċjali għandu l-għan li jtaffi r-riskji relatati mat-teknoloġiji deepfake. Ir-regoli jirrikjedu li l-immaġnijiet artifiċjali jew manipulati, il-kontenut awdjo jew vidjo (deepfakes) jeħtieġ li jkunu mmarkati b’mod ċar.
Is-sikurezza online bħala suġġett tal-Ġimgħa għall-Ugwaljanza bejn il-Ġeneri 2024
Il-Parlament jixtieq jenfasizza u jfittex soluzzjonijiet għall-kwistjoni dejjem tikber tal-fastidju online u l-vjolenza ċibernetika. Din hija r-raġuni għaliex is-suġġett ewlieni tal-Ġimgħa għall-Ugwaljanza bejn il-Ġeneri fl-2024 huwa "In-Nisa fid-dinja diġitali: is-sikurezza u l-għoti tas-setgħa."
L-avvenimenti huma organizzati mill-kumitati, id-delegazzjonijiet, il-gruppi politiċi u l-amministrazzjoni tal-Parlament.
Kif il-Parlament Ewropew jippromwovi l-ugwaljanza bejn il-ġeneri
Il-Parlament Ewropew jiddefendi d-drittijiet tan-nisa madwar l-UE. L-isforzi tiegħu biex jiżgura l-ugwaljanza bejn il-ġeneri fuq il-post tax-xogħol, fil-politika u f’oqsma oħra wasslu għal leġiżlazzjoni storika. Miżuri ġodda legalment vinkolanti jkopru varjetà wiesgħa ta' kwistjonijiet:l-għajnuna biex tintemm il-paga mhux ugwali, l-eliminazzjoni tad-diskriminazzjoni bbażata fuq il-ġeneru,spinta lill-preżenza tan-nisa fuq il-bordijiet korporattivi u l-ġlieda kontra l-vjolenza fuq in-nisa.
