Fondazzjonijiet politi膵i Ewropej
X'inhi fondazzjoni politika Ewropea?
Fondazzjoni politika Ewropea hija organizzazzjoni asso膵jata ma' partit politiku Ewropew li tappo摹摹ja u tikkomplementa l-objettivi ta' dak il-partit u hija rre摹istrata .Tali fondazzjoni tosserva, tanalizza u tikkontribwixxi g魔ad-dibattitu dwar kwistjonijiet Ewropej ta' politika pubblika. Hi ti偶viluppa wkoll attivitajiet marbuta mal-kwistjoni Ewropea ta' politika pubblika, billi, pere偶empju, torganizza seminars, ta魔ri摹, konferenzi u studji.
Hur finansieras en europeisk politisk stiftelse?
Fondazzjoni politika Ewropea tista' tir膵ievi finanzjament mill-Parlament Ewropew. Il-finanzjament jie魔u s-sura ta' g魔otja operattiva. Ir-regoli g魔al din is-sura ta' finanzjament huma spe膵ifikati fit-Titolu VIII tar-Regolament Finanzjarju. Din l-g魔otja tista' tkopri sa 95 % tan-nefqa eli摹ibbli tal-fondazzjoni, filwaqt li l-kumplament g魔andu jkun kopert mir-ri偶orsi proprji b魔al mi偶ati tas-s魔ubija u donazzjonijiet.
Il-Parlament jippubblika annwalment il-programm ta' 魔idma annwali tal-g魔otjiet (Ingli偶) hawnhekk.
X'jista' u x'ma jistax jit魔allas mill-g魔otja?
L-g魔otja tista' tintu偶a biex jit魔allas l-infiq marbut direttament mal-attivitajiet stabbiliti fil-programm ta' 魔idma tal-fondazzjoni, ji摹ifieri l-hekk imsejja魔 infiq eli摹ibbli b魔al:
- spejje偶 ta' laqg魔at u konferenzi,
- spejje偶 ta' pubblikazzjonijiet u studji,
- spejje偶 amministrattivi, tal-persunal u tal-ivvja摹摹ar,
L-g魔otja ma tistax tintu偶a, fost affarijiet o魔ra, biex jit魔allas infiq ineli摹ibbli b魔al:
- spejje偶 ta' kampanji g魔al referendi u elezzjonijiet,
- finanzjament dirett jew indirett ta' partiti politi膵i, kandidati g魔all-elezzjoni u fondazzjonijiet politi膵i nazzjonali,
- 魔las ta' djun.
Min jag魔mel ir-regoli tal-finanzjament?
Ir-regoli tal-finanzjament huma stabbiliti minn regolament adottat mill-Kunsill u mill-Parlament, skont l-Artikolu 10(4) tat-Trattat dwar l-Unjoni Ewropea u l-Artikolu 224 tat-Trattat dwar il-Funzjonament tal-Unjoni Ewropea.
Ir-regoli ta' implimentazzjoni huma adottati mill-Bureau tal-Parlament Ewropew.
Liema regoli japplikaw? (mis-sena finanzjarja 2019)
Ir-regoli li 摹ejjin japplikaw, mill-pro膵edura li tikkon膵erna l-finanzjament tas-sena finanzjarja 2019 'il quddiem:
- (ver偶joni konsolidata)
- Regoli dwar il-kontribuzzjonijiet (Titolu VIII tar-)
X'kundizzjonijiet iridu jintla魔qu biex fondazzjoni tir膵ievi finanzjament?
Biex fondazzjoni tir膵ievi g魔otja mill-Parlament, din g魔andha tissodisfa 膵erti kundizzjonijiet:
- trid tkun irre摹istrata mal-础飞迟辞谤颈迟脿,
- trid tkun asso膵jata ma' partit politiku Ewropew irre摹istrat, li jkun eli摹ibbli g魔al finanzjament mill-ba摹it tal-Parlament Ewropew
Fil-prattika kif ta魔dem il-pro膵edura ta' finanzjament?
Tista' tni偶偶el ir-rapport qasir dwar is-sitwazzjoni attwali tal-pro膵edura ta' finanzjament (Ingli偶).
Kwalunkwe fondazzjoni li tissodisfa l-kundizzjonijiet imsemmija hawn fuq tista' tapplika g魔al finanzjament g魔al sena finanzjarja partikolari, billi tibg魔at lill-Parlament sat-30 ta' Settembru tas-sena finanzjarja pre膵edenti l-applikazzjoni tag魔ha, ba摹it stmat u l-programm ta' 魔idma tag魔ha.
Ladarba l-applikazzjonijiet ji摹u evalwati u approvati, il-fondi jitqassmu fost dawn il-fondazzjonijiet skont skala stabbilita:
- 10 % jitqassmu f'partijiet indaqs,
- 90 % jitqassmu fi proporzjon man-numru tal-Membri eletti tal-Parlament Ewropew li huma membri tal-partit li mieg魔u tkun asso膵jata l-fondazzjoni.
Dan jikkostitwixxi g魔otja provi偶orja, li tit魔allas, fil-prin膵ipju, sal-a魔魔ar tal-ewwel tliet xhur ta' kull sena (pagament ta' prefinanzjament). L-ammont tal-g魔otja provi偶orja ma jridx je膵膵edi l-ammont imni偶偶el fl-applikazzjoni g魔al finanzjament u lanqas il-95 % tan-nefqa rimbor偶abbli bba摹itjata fil-ba摹it stmat.
L-ammont tal-g魔otja finali ji摹i stabbilit is-sena ta' wara, wara l-approvazzjoni tar-rapporti annwali tal-fondazzjonijiet mill-Bureau tal-Parlament Ewropew. L-ammont tal-g魔otja finali ma jridx je膵膵edi l-ammont tal-kontribuzzjoni provi偶orja.
X'ammont jir膵ievu l-fondazzjonijiet mill-ba摹it tal-UE?
Hawnhekk tista' tni偶偶el il-lista tal-fondazzjonijiet li tindika l-ammonti ta' g魔otja tag魔hom (Ingli偶).
Id-data finanzjarja fejn ti摹i rrappurtata?
Il-fondazzjonijiet iridu jiddikjaraw id-d魔ul u n-nefqa kollha tag魔hom fir-rapporti annwali tag魔hom. Dan ir-rapport annwali jikkonsisti primarjament minn:
- rapport tal-awditjar li jinkludi d-dikjarazzjonijiet finanzjarji u
- d-dikjarazzjoni finanzjarja bba偶ata fuq l-istruttura tal-ba摹it stmat,
- dettalji tal-kontijiet fir-rigward ta' d魔ul, spejje偶, assi u obbligazzjonijiet,
- lista ta' donazzjonijiet,
- rapport ta' attivit脿.