Kif l-UE qed tappoġġa lill-Ukrajna fl-2025

Ara l-iskeda ta’ żmien tagħna għal ħarsa ġenerali lejn kif l-UE u l-Parlament Ewropew ikomplu jappoġġaw lill-Ukrajna fl-2025.

Ippubblikata: 17-02-2025 Aġġornata l-aħħar: 13-03-2025 - 16:48 Minuti ta' qari: 2

Ruslan Stefanchuk President tal-Verkhovna Rada jindirizza l-plenarja ta' Frar 2025 — Ruslan Oleksiyovych Stefanchuk fil-Parlament Ewropew

3 snin ta' aggressjoni Russa kontra l-Ukrajna: tidwil tal-binjiet ta’ Station Europe bil-kuluri tal-bandiera Ukrena

1 / 2

Minn meta r-Russja nediet invażjoni illegali fuq skala sħiħa tal-Ukrajna fi Frar 2022, l-UE u l-Parlament appoġġaw lill-pajjiż billi kkundannaw l-aggressjoni tar-Russja, issanzjonaw lil dawk responsabbli u pprovdew għajnuna finanzjarja u materjali.

��

Il-Parlament ilu jħeġġeġ lill-pajjiżi tal-UE jipprovdu assistenza politika, militari u umanitarja lill-Ukrajna. Huwa appoġġa wkoll l-isforzi tal-Ukrajna biex issir pajjiż tal-UE.

��

L-iskeda ta’ żmien hija f’ordni kronoloġika inversa, li jfisser li l-aktar avveniment reċenti se jidher fuq nett u l-eqdem wieħed fil-qiegħ.

Ara kif l-UE u l-Parlament appoġġaw lill-Ukrajna fl-2022

Ara kif l-UE u l-Parlament appoġġaw lill-Ukrajna fl-2023

Ara kif l-UE u l-Parlament appoġġaw lill-Ukrajna fl-2024

L-appoġġ tal-UE għall-Ukrajna

Kif l-UE u l-Parlament Ewropew ikomplu jappoġġaw lill-Ukrajna fl-2025.

Reazzjonijiet tal-UE
Kooperazzjoni UE-Ukrajna

12-03-2025
- Kooperazzjoni UE-Ukrajna
Il-Parlament jilqa' l-proposta għal waqfien mill-ġlied

Il-Membri tal-PE jilqgħu l-proposta għal waqfien mill-ġlied ta’ 30 jum, miftiehma bejn ir-rappreżentanti tal-Istati Uniti u l-Ukrajna fil-11 ta’ Marzu 2025. Ir-Russja għad trid taqbel u twaqqaf l-attakki kollha fuq l-Ukrajna. Skont il-Membri tal-PE, l-UE u l-istati membri tagħha għandhom iżommu r-rwol tagħhom bħala l-akbar donatur tal-Ukrajna u l-UE trid tikkontribwixxi għal garanziji ta’ sigurtà robusti għall-Ukrajna.
- L-UE għandha tikkontribwixxi għal garanziji ta' sigurtà b'saħħithom għall-Ukrajna, jgħid il-Parlament Ewropew
12-03-2025
- Kooperazzjoni UE-Ukrajna
Il-Parlament jappella biex jitneħħew ir-restrizzjonijiet kollha fuq l-użu tal-armi mill-Ukrajna

F'riżoluzzjoni dwar il-futur tad-difiża Ewropea, il-Membri tal-PE jgħidu li l-Ewropa qed tiffaċċa l-aktar theddid militari profond għall-integrità territorjali minn tmiem il-Gwerra Bierda. Biex tinkiseb il-paċi u l-istabbiltà fl-Ewropa, l-UE trid tappoġġa lill-Ukrajna u tappella lill-istati membri, lill-imsieħba internazzjonali, u lill-alleati tan-NATO biex ineħħu r-restrizzjonijiet kollha fuq l-użu tas-sistemi tal-armi tal-Punent mogħtija lill-Ukrajna kontra miri militari fit-territorju Russu.
- Il-Membri tal-PE jħeġġu lill-UE biex tappoġġa lill-Ukrajna u tiżgura s-sigurtà tagħha stess
24-02-2025
- Kooperazzjoni UE-Ukrajna
Il-Parlament jimmarka tliet snin mill-invażjoni fuq skala sħiħa tar-Russja

Biex jimmarka tliet snin mill-invażjoni fuq skala sħiħa tar-Russja, il-Parlament Ewropew jiddawwal bil-kuluri tal-bandiera Ukrena. Il-Presidenti tal-Parlament Ewropew, tal-Kunsill u tal-Kummissjoni joħorġu dikjarazzjoni konġunta li tgħid li l-futur tal-Ukrajna u taċ-ċittadini tagħha jinsab fl-UE. Hi u tindirizza lill-mexxejja tal-UE f'summit li jfakkar l-anniversarju, il-President tal-Parlament Roberta Metsola tikkonferma l-impenn tal-Parlament lejn l-Ukrajna u tħeġġeġ lill-UE żżid l-appoġġ.
- Dikjarazzjoni konġunta mill-presidenti tal-Parlament Ewropew, tal-Kunsill u tal-Kummissjoni dwar it-tielet anniversarju tal-invażjoni tal-Ukrajna mir-Russja
19-02-2025
- Kooperazzjoni UE-Ukrajna
Il-Membri tal-PE jappellaw għall-involviment sħiħ tal-Ukrajna fin-negozjati għall-paċi

Il-Membri tal-PE jappellaw għall-involviment sħiħ tal-Ukrajna fin-negozjati għall-paċi Il-Membri tal-PE ewlenin jgħidu li l-paċi fl-Ukrajna trid tkun ġusta u appoġġata mill-poplu tal-Ukrajna. Huma jenfasizzaw ukoll li l-arkitettura tas-sigurtà tal-Ewropa ma tistax tiġi diskussa mingħajr l-involviment attiv tal-UE u l-istati membri tagħha.
- Stqarrija minn David McAllister, Pekka Toveri, Brando Benifei, Ville Niinistö, Michael Gahler, Michał Szczerba u Sandra Kalniete
12-02-2025
- Kooperazzjoni UE-Ukrajna
Il-President tar-Rada jindirizza lill-Parlament Ewropew

Ruslan Stefanchuk, il-President tal-Verkhovna Rada Ukrena, indirizza seduta formali tal-Parlament Ewropew fi Strażburgu. Fid-diskors tiegħu, huwa appella lill-UE biex tkompli u żżid l-appoġġ tagħha għall-Ukrajna.
- Ruslan Stefanchuk: “Il-paċi fl-Ukrajna tista’ tinkiseb biss jekk nibqgħu b’saħħitna”
12-02-2025
- Reazzjonijiet tal-UE
Il-mexxejja tal-Parlament jesprimu appoġġ kontinwu għall-Ukrajna

Il-President tal-Parlament Roberta Metsola u l-mexxejja tal-gruppi politiċi ħarġu dikjarazzjoni dwar it-tkomplija tal-appoġġ sod tal-UE għall-Ukrajna, wara tliet snin ta' gwerra ta' aggressjoni fuq skala sħiħa tar-Russja.
- Dikjarazzjoni mill-President tal-Parlament u l-mexxejja tal-gruppi politiċi dwar l-appoġġ tal-UE għall-Ukrajna
23-01-2025
- Reazzjonijiet tal-UE
Ir-Russja kkritikata għall-użu tad-diżinformazzjoni biex tiġġustifika l-gwerra fl-Ukrajna

F'riżoluzzjoni, il-Membri tal-PE jikkundannaw il-falsifikazzjoni sistematika tar-reġim Russu ta' argumenti storiċi biex jiġġustifika l-gwerra illegali ta' aggressjoni tiegħu kontra l-Ukrajna.
- Il-Membri tal-PE jikkundannaw l-użu tad-diżinformazzjoni mir-Russja biex tiġġustifika l-gwerra tagħha fl-Ukrajna

�Ϸ��վ